Gleneagles Hospital 港怡醫院 [ 五日四夜剖腹分娩 - 產後 ]

半昏迷既我記得俾人推左出手術室

再係另一間大房等左一陣

之後就上返自己房了

因為打在麻醉 下身都未有感覺

所以轉床都要姑娘同老公幫手

即晚都落唔倒床

所以要駁尿袋

身體冇感覺既但心感覺不太好 😣

有少少無私隠既感覺

這些應該是看生產 vlog 未必看到的吧

好快 BB 房護士就推左 BB 黎俾我埋身

我生之前真係做得唔夠功課

有好多可以再幫自己上奶既野都冇做

我又冇留意醫院應該有母乳顧問既服務

仲之護士推 BB 俾我

我就俾 BB 埋身

呢家諗返我下次會請催乳師幫我買開奶

即晚 Cryolife 已經有工作人員黎收臍帶同臍帶血

非常有效率

仲送左個 hamper 俾我地 💝
產後我情緒波動好大
有朋友送野花好咭好蛋糕好
真係會另心情好D 

所有護士都好好

開完刀之後連去洗手間要護士扶

同教我點用網褲同清洗瓶

雖然有少少尷尬但絕對冇唔舒服既感覺

我以前唔明點解有人會寫晒心意咭俾醫生護士

好多 obgy 同 paed 診所都會放滿咭同相

呢一刻我終於明白

原來果種感動係好澎湃 😭

BB 房護士係分開既

你可以用自己手提打電話去 BB 房

BB 肚餓護士會推 BB 黎俾我埋身

到 BB 飲完訓著左你可以打俾護士

護士會幫手掃返風包返BB換片等等

等媽咪可以好好休息

到第三四日我落到床自己行到

護士問我地有冇興趣睇點同 BB 沖涼

之前我地都冇學過 覺得好有用

返到屋企我地都係用返呢套方法

飲食方面我俾滿分 😋
佢哋有產後膳食套餐
一日四餐 早午晚下午茶
午餐同晚餐都有湯同甜品
package 係包的
完全唔洗屋企人再煲湯或者驚醫院D野生完唔食得
如果唔鐘意果餐既 menu 可以嗌普通餐既
打落 canteen 嗌預 30 mins 倒到
每次都熱辣辣既

  

 

如果你想冲身又可以叫醫院姐姐幫你準備薑水

所以真係冇乜野要擔心

出院仲有七人車送你返屋企

至於張單呢

因為我係全餐關係💰

所以六位數字走唔甩架啦🙈

但老公對所有野都好滿意

一分錢一分貨既

     

Eli 

xxxx

PART I > Gleneagles Hospital 港怡醫院 [ 全餐分娩 - 入院+生產 ]